Live for Others: Intezaar

Saturday 22 July 2017

Kya hota hai yeh Intezaar?

Kisi ka wait karna,

Kisi kaam ka pura hona,

Yaa phir yun hi… zindagi bhar raah dekhna..

K ek na ek din woh insaan jarur ayega

ya woh waqt zaroor ayega k jab duriyaan khatam ho jayegi…

Har koi kisi na kisi ka intezaar karta hai…

Koi dosto se milne ka intezaar..

Koi kisi subh kaam k shuru hone ka intezaar..

Koi just ek message k reply ka intezaar..

Koi apne crush(mehbooba) ki ek zalak dekhne ka intezaar..

Koi apne chote bhai k sath khelne ka intezaar..

Koi kisi k ghar lautne ka intezaar..

Aur koi sirf its umeed ka intezaar , k ek na ek din yeh intezaar bhi khatam hoga…

Ek Maa apne bache ko janam dene k liye 9 mahine ka intezaar karti hai..

Ek beti apne pita ke daftar se ghar lautne ka intezaar karti hai..

Ek Patni apne pati k saath kuch fursat bhare lamhe bitane ka intezaar karti hai..

Aur ek beta apne maa-baap k sath ghumne jane k liye Sunday ka intezaar karta hai..

Hum sab zindagi bhar intezaar hi to karte rehte hai..

Sahi waqt aane ka intezaar..

Jab hum apni khwaisho ko pura kar sake,

Jab hum apne sapne ko pura hote hue dekh sake,

Or ek din bas yuhi intezaar karte karte zindagi k antim chhod pal aa jaate hai or phir bhi nahi rukta hamara intezaar ,

Ab zindagi ka alvida karne ka Intezaar karte hai bus…

Intezaar

Intezaar hamari ek aisi aadat hai jo hum jeevan me sab se jyada baar repeat karte hai..

Live for Others